— <b>Argoments di doprâ tal inviament de aplicazion de linie di comant</b>

<big>T</big>al inviament cul argoment <tt>-v</tt> o <tt>--version</tt>, la version atuâl di Kickshaw e ven mostrade. I argoments <tt>-h</tt> e <tt>--help</tt> a servin par presentâ une descrizion di cemût acedi a chest barcon di sugjeriments, seguît di une liste dai argoments acetâts.
Kickshaw al pues ancje jessi inviât cuntun percors di file a un menù come argoment. Come efiet secondari, chest al rint pussibil vierzi i file di menù cun Kickshaw doprant il menù contestuâl tai gjestôrs di file.

— <b>Files creâts di Kickshaw</b>

<b>Permanents</b>

Kickshaw al cree il so propri file di impostazions cul non <tt>.kickshawrc</tt>, che al è plaçât dentri de cartele cjase dal utent.

<b>Temporanis</b>

Par ogni modifiche fate, un file di pile dai anulaments al ven creât dentri di <tt>/tmp/kickshaw.XXXXXX</tt> (lis X a son segnapost par letaris e numars arbitraris). Se il program al ven terminât in maniere inspietade, la cartele e restarà, ma chest nol varès di causâ preocupazion viodût che e conten dome piçui file e di solit e vignarà gjavade vie in automatic al plui tart dilunc dal prossim riinviament.

Kickshaw al cree ancje un file di salvament automatic dentri de cartele cjase cul non <tt>.kickshaw_autosave</tt>. Al ven rinnovât dopo ogni modifiche e gjavât vie cuant che il program al ven sierât. Se Kickshaw al ves di jessi stât fermât in maniere iregolâr, al prossim inviament dal program al utent i ven domandât se ripristinâ il menù dal salvament automatic o fâ gjavâ vie il salvament automatic.
